1. Creator alme siderum
Aeterna lux credentium,
Iesu, Redemptor omnium,
Intende votis supplicum.

2. Qui daemonis ne fraudibus
Periret orbis, impetu
Amoris actus, languidi
Mundi medela factus es.

3, Commune qui mundi nefas
Ut expiares, ad crucem
E Virginis sacrario
Intacta prodis victima.

4. Cuius potestas gloriae.
Nomenque cum primum sonat,
Et caelites et inferi
Tremente curvantur genu.

5. Te deprecamur, ultimate
Magnum diei Iudicem,
Armis supernae gratiae
Defende nos ab hostibus.

6. Virtus, honor, laus, Gloria
Deo Patri cum Filio,
Sancto simul Paraclito,
In saeculorum saecula.
Amen.